G01 – Evalwa l-benefiċċji
Din l-attività ta’ ġestjoni tappartjeni għall-grupp ta’ attività Ġestjoni ta’ Wara l-Proġett: ċiklu ta’ attivitajiet ta’ minn 3 sa 6 xhur li jibda wara li jintemm il-proġett u jkompli għal sena sa 5 snin. Dan il-grupp ta’ attivitajiet jista’ jingħaqad ma’ dak ta’ proġetti oħra lesti f’sistema ċentrali ta’ ġestjoni tal-portafoll.
L-istess persuna li kienet l-isponsor għall-proġett hija responsabbli għal dan iċ-ċiklu, sakemm din ir-responsabbiltà ma tiġix trasferita lil xi ħadd ieħor.
L-isponsor (jew xi ħadd f’ismu) għandu jqatta’ ftit sigħat f’kull ċiklu ta’ wara l-proġett, ikejjel il-benefiċċji realizzati mill-proġett.
Minbarra l-benefiċċji mistennija, l-isponsor għandu jkun qed ifittex b’mod attiv benefiċċji mhux mistennija, benefiċċji potenzjali, u żvantaġġi ukoll.
Għan
Għandna nevalwaw il-benefiċċji tal-proġett għar-raġunijiet li ġejjin:
- Huwa tfakkira għall-isponsors u partijiet interessati oħra li l-proġetti jsiru biex jiġġeneraw benefiċċji.
- Jgħinna nifhmu l-ambjent tagħna u nsiru aktar realistiċi fi proġetti futuri.
- Jgħinna nsibu modi kif inżidu l-benefiċċji (G02).
Żbalji komuni
Tista’ tevita wħud mill-aktar kwistjonijiet komuni billi tikkunsidra dan li ġej:
- L-isponsor jista’ jkollu lil xi ħadd ieħor jevalwa l-benefiċċji, iżda l-isponsor għandu jkollu superviżjoni sħiħa fuqhom u jqis din l-attività bħala attività ta’ ġestjoni importanti li tappartjeni għal-livelli ogħla ta’ ġestjoni.
- Deskrizzjoni vaga u twila tal-benefiċċji ma sservi l-ebda skop. Ir-riżultat jista’ jkun ta’ livell għoli u probabbilistiku, iżda jrid jibqa’ sinifikanti u kapaċi jintuża f’G02.
- Ftakar li l-benefiċċji mhumiex limitati għal dawk monetarji, u benefiċċji oħra bħar-reputazzjoni, is-sehem tas-suq, l-opportunitajiet, u l-għarfien miksub għandhom jiġu kkunsidrati wkoll.
Prinċipji
Il-prinċipji li ġejjin għandhom rwol sinifikanti f'din l-attività ta' ġestjoni:
Note: NUPP is not translated into Malti yet. If you're interested, you can join the community of contributors and translate it: more information is available on the translation guide.