A02 – Ħatar il-maniġer tal-proġett

F’dan il-ħin, l-isponsor jiddiskuti l-proġett ma’ maniġers tal-proġetti potenzjali, u jasal għal ftehim. Huwa importanti li jkollok maniġer tal-proġett li jemmen fl-objettivi u l-miri tal-proġett.

Fil-każ ta’ proġetti interni (dawk mingħajr klijenti esterni), il-maniġer tal-proġett għandu jiġi min-naħa tan-negozju/maniġment tal-organizzazzjoni aktar milli min-naħa teknika. Il-maniġers min-naħa teknika huma mexxejja tat-tim f’P3.express.

Minbarra li jirrealizza l-għanijiet tal-proġett u jilħaq il-miri, il-maniġer tal-proġett huwa wkoll responsabbli għas-saħħa u s-sigurtà tat-tim tal-proġett, u għall-ħolqien ta’ ambjent tax-xogħol pjaċevoli fejn il-membri tat-tim jistgħu javvanzaw fil-karrieri tagħhom.

Għan

Filwaqt li huwa possibbli għal timijiet żgħar li jkollhom sistema ta’ ġestjoni ta’ proġetti distribwita, huwa aktar prattiku u produttiv għal ħafna proġetti li jkollhom koordinazzjoni ċentralizzata, u l-maniġer tal-proġett huwa l-kap ta’ din is-sistema ta’ koordinazzjoni ċentralizzata. B’dan il-mod, l-esperti tekniċi mhux se jiġu distratti mir-responsabbiltajiet tal-ġestjoni u jistgħu jibqgħu ffukati fuq l-aspetti tekniċi tal-proġett.

Żbalji komuni

Ikkunsidra dan li ġej biex tevita wħud mill-aktar problemi komuni f’dan il-qasam:

• Il-maniġers tal-proġetti m’għandhomx iqisu lilhom infushom bħala l-imgħallem tal-membri tat-tim, iżda bħala s-sostenitur, il-faċilitatur, il-koordinatur, u s-soluzzjoni tal-problemi tagħhom.
• Il-maniġers tal-proġetti u l-isponsors m’għandhomx ikunu mikro-maniġers.
• Huwa komuni li l-aktar espert tekniku anzjan jinħatar bħala l-maniġer tal-proġett, li mhix idea tajba. Il-ġestjoni tal-proġetti hija pożizzjoni ta’ maniġment, u mhux waħda teknika; għalhekk, għandek bżonn persuna b’kapaċità u għarfien maniġerjali biex timla dan ir-rwol. Li ssir maniġer tal-proġett mhuwiex promozzjoni għal espert tekniku, iżda pjuttost bidla fil-karriera.
• Il-maniġers tal-proġetti m’għandhomx jinvolvu ruħhom fl-aspetti tekniċi tal-proġett għax dan qed jaljenahom, u diġà hemm esperti tekniċi biex jimmaniġġjaw l-aspetti tekniċi.

Prinċipji

Il-prinċipji li ġejjin għandhom rwol sinifikanti f'din l-attività ta' ġestjoni:

• NUP2: Ippreserva u ottimizza l-enerġija u r-riżorsi.
• NUP5: Tagħmel xejn mingħajr skop ċar.

Note: NUPP is not translated into Malti yet. If you're interested, you can join the community of contributors and translate it: more information is available on the translation guide.