A01 – Ħatar l-isponsor
Din l-attività ta’ ġestjoni tappartjeni għall-grupp Bidu tal-Proġett. Dan il-grupp ta’ attivitajiet jitmexxew fil-bidu biex iħejjuna għall-proġett.
L-ewwel attività ta’ ġestjoni hija li l-organizzazzjoni taħtar maniġer anzjan (preferibbilment membru tal-bord) bħala l-sponsor. L-isponsor għandu l-ogħla rwol fil-proġett u l-maniġer tal-proġett jirrapporta lilu.
L-isponsor huwa
- responsabbli għall-ġustifikazzjoni u r-riżultat tal-proġett,
- responsabbli għat-teħid ta’ deċiżjonijiet ta’ livell għoli għall-proġett, u
- responsabbli biex jiżgura li l-proġett ikun iffinanzjat u pprovdut bir-riżorsi xierqa.
Għan
Ir-rwol tal-isponsor huwa meħtieġ għaliex
- il-maniġers tal-proġetti jridu jkunu ffukati fuq ix-xogħol ta’ kuljum u r-riżultati tal-proġett, li jtellfuhom u ma jħallulhomx biżżejjed ħin u enerġija mentali biex jimmaniġġjaw l-aspetti ta’ livell għoli tal-proġett;
- il-maniġers tal-proġetti jistgħu ma jkollhomx biżżejjed poter organizzattiv biex ikunu jistgħu jiksbu riżorsi għall-proġett, jew biex ikollhom biżżejjed informazzjoni strateġika biex jiżguraw li l-proġett ikun allinjat ma’ sforzi organizzattivi oħra.
Żbalji komuni
Dan li ġej għandu jiġi kkunsidrat meta tiddeċiedi dwar l-isponsor:
- L-isponsors m’għandhomx għalfejn iqattgħu ħafna ħin fuq il-proġett, iżda xorta jeħtieġ li jkunu involuti u jiddedikaw porzjon żgħir mill-ħin tagħhom għall-proġett.
- L-isponsors għandhom iħossu li l-proġett huwa tagħhom u jridu jipproteġuh, iżda m’għandhomx joqogħdu lura milli jikkanċellaw il-proġett jekk jitlef il-ġustifikazzjoni tiegħu.
- Meta jkun possibbli, m’għandekx ikollok persuna waħda bħala l-isponsor għall-proġetti kollha għaliex il-kostanti kollha għandhom it-tendenza li jisparixxu u jitilfu t-tifsira tagħhom.
- M’għandekx taħtar persuna waħda bħala l-isponsor u l-maniġer tal-proġett għall-istess proġett (sakemm ma jkunx proġett ta’ persuna waħda) għaliex se jkunu distratti mir-responsabbiltajiet konkreti tal-ġestjoni tal-proġett u jinsew id-dmirijiet relattivament astratti tagħhom bħala sponsor.
- Il-maniġers tal-proġetti u l-isponsors m’għandhomx ikunu mikro-maniġers.
Prinċipji
Il-prinċipji li ġejjin għandhom rwol sinifikanti f'din l-attività ta' ġestjoni:
Note: NUPP is not translated into Malti yet. If you're interested, you can join the community of contributors and translate it: more information is available on the translation guide.