B03 – Merrni një vendim për të vazhduar më tej ose jo
Ky aktivitet menaxherial bën pjesë në grupin Fillimi Mujor. Ky grup aktivitetesh zhvillohet në fillim të çdo muaji, me qëllim përgatitjen për një cikël të ri mujor.
Pasi të jenë rishikuar dhe përmirësuar planet, sponsori i projektit duhet të marrë një vendim të ri për të vazhduar ose jo me projektin. Ky vendim mund të merret individualisht ose në bashkëpunim me të tjerë, si p.sh. ekipi i menaxhimit të portofolit.
Nëse vendoset të ndalet projekti, atëherë duhet të ndiqen procedurat për Mbylljen e Projektit. Financuesi më pas vendos nëse projekti do të kalojë në ciklin e Menaxhimit Pas Projektit.
Qëllimi
Të sigurohet që projekti është ende i justifikueshëm dhe të rikujtohet ekipit se synimi kryesor është përmbushja e qëllimeve të projektit, jo thjesht vazhdimi i aktiviteteve individuale.
Gabimet e zakonshme
Sponsori mund ta trajtojë këtë vendim si formalitet dhe ta miratojë projektin pa vlerësim real. Duhet të bëhet një analizë serioze dhe objektive.
Ndonjëherë një projekt mund të jetë i justifikueshëm më vete, por jo më prioritar krahasuar me projektet e tjera në portofol. Një analizë krahasuese është e domosdoshme.
Principet
Principet e meposhtme luajne nje rol te rendesishem ne kete aktivitet menaxherial: