Awtovalutazzjoni tat-Tmexxija (mini)

Din il-paġna fiha l-mini verżjoni tal-awtovalutazzjoni. Għandha 20 mistoqsija b’għażla multipla bbażati fuq xenarji. It-tweġib tagħhom normalment jieħu madwar 30 minuta. Jekk trid, tista’ tagħmel minflok l-awtovalutazzjoni sħiħa, li fiha 67 mistoqsija u tagħtik rapport aktar affidabbli.

Din l-awtovalutazzjoni mhijiex mibdija minn coach u t-tweġibiet tiegħek ma jiġux kondiviżi ma’ partijiet terzi. Meta tasal fi tmiem il-formola f’din il-paġna, ir-riżultat jintwera minnufih, u m’għandekx għalfejn tissottometti l-indirizz tal-email tiegħek jew tagħti xi informazzjoni żejda oħra.

L-awtovalutazzjoni tibda taħt din il-linja. Xortik it-tajba!

F’laqgħa mal-klijent tal-proġett, rappreżentant tal-klijent jgħaddilek rimarka sarkastika li tidher għalkollox sessista u razzista. Is-sessiżmu u r-razziżmu tal-kumment jidhru intenzjonati. Dan jagħdbek ħafna, u tipprova kemm tipprova, ma tistax tikkalma. X’tagħmel?

Bl-aktar mod kalm possibbli, inqum bilwieqfa u ngħid: “Naħseb li din il-laqgħa tintemm hawn. Nikkuntattjak għada biex nitkellmu dwar dak li ġara.” Imbagħad noħroġ mill-kamra. Nerġa’ naqbad il-kwistjoni l-għada, meta ma nkunx daqshekk irrabjat, jew saħansitra aktar tard, jekk ikolli bżonn aktar ħin biex nikkalma.
Bl-aktar mod kalm possibbli, nispjega kemm kien inaċċettabbli l-kumment tagħhom u li nistenna apoloġija u garanzija li ħaġa bħal din ma terġax tiġri fil-futur.
Ma ngħid xejn, imma wara l-laqgħa nikkuntattja lill-maniġer ta’ dik il-persuna biex nilmenta dwar dak li ġara.
Ma ngħid xejn, imma wara l-laqgħa nikkuntattja lill-maniġer tiegħi biex niddiskutu l-kwistjoni u naraw x’jista’ jsir dwarha.
Ninjoraha, għax dak huwa l-aħjar mod kif tgħaddi mingħajr ma tweġġagħni aktar.

Int il-maniġer ta’ proġett għall-bini ta’ binja multifunzjonali għal klijent estern. Qed tibni kollox fuq id-disinji li tak il-klijent, imma xorta għandek perit intern biex jiżgura li kollox ikun sew. Ġurnata waħda, il-perit tiegħek jiġi għandek u jgħidlek hekk:

“Innutajt li l-binja m’għandhiex daħla aċċessibbli għas-siġġijiet tar-roti. Dejjem jista’ jkun hemm rampa portabbli lesta jekk xi ħadd ikollu bżonnha, imma dik mhijiex perfetta u turi li d-disinn ma kienx inklużiv biżżejjed. Is-suġġeriment tiegħi huwa li nżidu rampa mad-daħla għall-aċċessibbiltà.”

Il-kumment jidhirlek f’loku. Waqt li intom it-tnejn kontu għadkom qed titkellmu dwaru, ir-rappreżentant tal-klijent daħal fl-uffiċċju tiegħek għal għarrieda, u t-tlieta li intom bdejtu tiddiskutu l-idea taż-żieda tar-rampa. Minħabba l-ispiża u l-ħin żejda involuti, ir-rappreżentant tal-klijent jiċħad l-idea.

X’tagħmel?

Naċċettaha u nkompli miexi: huma l-klijent, u aħna suppost nikkuntentawhom billi nibnulhom dak li jridu.
Nibgħat email lir-rappreżentant b’sommarju ta’ għaliex hija idea tajba li tiżdied ir-rampa, flimkien mal-impatt fuq il-ħin u l-ispiża, u nitolbu jaċċettaha jew jiċħadha billi jwieġeb għall-email.

Regolament ġdid jidħol fis-seħħ fi żmien 3 xhur, u l-kumpanija tiegħek għadha kemm indunat li wieħed mill-prodotti ewlenin tagħkom huwa inkompatibbli mar-regolament il-ġdid. Għalhekk jiġi definit proġett kritiku biex il-prodott jiġi aġġustat u jsir kompatibbli. Dan il-proġett huwa tant importanti li għandu baġit prattikament bla limitu, għax 83% tad-dħul tal-kumpanija jiddependi minn dak il-prodott, u jekk fi 3 xhur ikun inkompatibbli, ma tibqgħux tistgħu tużaw dak il-prodott ewlieni.

Intgħażilt bħala l-maniġer tal-proġett u bdejt il-bidu tal-proġett (it-tħejjija u l-ippjanar), meta wieħed mill-eżekuttivi tal-kumpanija jiġi għandek u jgħidlek hekk:

“Jekk jogħġbok tibqax taħli l-ħin! M’għandniex minuta x’nitilfu, u rridu naħdmu kemm jista’ jkun malajr biex nilħqu l-iskadenza.”

X’tagħmel?

Inkompli bil-bidu tal-proġett.
Naqbeż il-bidu tal-proġett għax huwa proġett urġenti u wkoll għax l-eżekuttiv talabni nagħmel hekk.

Int il-maniġer ta’ proġett żgħir. Ġurnata waħda, il-klijent jiġi għandek u jitlob bidla. Dak li jrid ma jieħu kważi l-ebda ħin biex jiġi implimentat. X’tagħmel?

Nagħmilha minnufih biex nuri lill-klijent kemm aħna reattivi u ta’ għajnuna.
Niddokumenta t-talba, niċċekkjaha kompletament u mbagħad nipproċedi minn hemm.

Hemm skadenza fi żmien 50 jum tax-xogħol. Għaliha għandek 200 element tax-xogħol x’tlesti, u diġà lestejt 20 minnhom. It-tim tiegħek ħa 8 ijiem tax-xogħol biex lesta dawk l-elementi. X’tagħmel?

Xejn speċjali; sempliċement inkomplu mexjin.
Nitlob lit-tim jaħdem fil-weekends u jibqa’ sagħtejn aktar kuljum. B’hekk inkunu nistgħu nilħqu l-iskadenza. Wara, nikkumpensahom b’aktar vaganzi u bonusijiet.
Nisseparaw l-elementi l-aktar importanti u niffokaw fuqhom, biex niżguraw li għall-inqas dawk jitlestew qabel l-iskadenza.

Int maniġer tal-programm, u l-maniġer tal-portafoll talbek issegwi u tirrapporta n-numru ta’ sigħat persuna li użajt minn kull waħda mit-tliet kategoriji ta’ għarfien espert li ddefinixxew fl-organizzazzjoni.

X’twieġeb?

Nitlobhom jispjegawli l-iskop tagħha.
Naċċetta għax talabni s-superjur tiegħi.
Niċħadha għax is-segwiment tas-sigħat huwa mekkaniżmu ta’ kontroll tradizzjonali li ġie miċħud ħafna snin ilu.

Int il-maniġer tal-proġett, u fuq il-proġett tiegħek qed jaħdem analista tan-negozju. Bħalissa l-analista qed jiġbor ir-rekwiżiti u qed jistaqsik għand min għandu jmur għalihom. X’twieġeb?

Għandu jmur għand il-klijent: huwa tiegħu l-output tal-proġett, u għandna naraw x’irid il-klijent li jkun dak l-output, mhux ħaddieħor.
Għandna l-ewwel noħolqu lista tal-klijent u tal-partijiet interessati l-oħra u mbagħad niġbru r-rekwiżiti kollha, impliċiti u espliċiti.

Trid tagħmel lil wieħed mill-membri tat-tim tiegħek responsabbli għal kompitu, u ma tridx tkun mikromaniġer. Għalhekk tgħidlu: “Dan huwa l-kompitu tiegħek. Agħmlu kif trid, u kkonsulta lil min trid tul it-triq, _____.”

u agħmel tabirruħek li ma neżistix sakemm tlesti l-kompitu.
u ftiehem miegħi biss jekk id-deċiżjoni tiswa aktar minn €10k.

Int maniġer tat-tim fi proġett. Ilu ftit jiem li wieħed minn sħabek fit-tim jidher imdejjaq. Tistaqsih jekk kollox huwiex sew, imma jgħid li kollox sew u ma jitkellem dwar l-ebda problema.

X’tagħmel?

Għalissa nqisha magħluqa, għax urejt lil dik il-persuna li jimpurtani u li lest nisimgħa jekk tkun trid titkellem aktar tard.
Inħalliha għal ftit jiem, u jekk dik il-persuna tibqa’ tidher imdejqa, nistedinha għal kafè u taħdita, bit-tama li tinfetaħ u titkellem dwar il-problema tagħha.
Ma nagħmel xejn iżjed, għax irrid nirrispetta l-privatezza tan-nies. Jien hemm biex niffaċilita x-xogħol, mhux biex insir parti ewlenija mill-ħajja privata tagħhom.

Int il-maniġer ta’ proġett ta’ riċerka. Wieħed mill-membri tat-tim tiegħek, speċjalist, kien qed juri lill-klijent x’għamel it-tim tiegħu dan l-aħħar għall-proġett. Ir-rappreżentant tal-klijent irrabja ħafna, għax dak li sar kien ibbażat fuq nuqqas serju ta’ fehim tal-ħtiġijiet tal-klijent u għalhekk kien dewwem il-proġett b’mod sinifikanti. Telaq mil-laqgħa u ċemplilkom ftit minuti wara: “Ninsab imdejjaq ħafna b’din il-persuna. Jekk jogħġbok ibgħatha l-uffiċċju tiegħi biex nitkellmu u naraw tistax tibqa’ f’dan il-proġett.”

X’twieġeb?

Nagħmel kif talab ir-rappreżentant tal-klijent.
Niskuża ruħi għal dak li ġara u mbagħad nibgħat lil dik il-persuna għand ir-rappreżentant tal-klijent.
Ma nibgħatx lil dik il-persuna waħedha. Immorru flimkien għand ir-rappreżentant tal-klijent.
Immur jien stess għand ir-rappreżentant tal-klijent minflok nibgħat lil dik il-persuna.
Niċħad it-talba tar-rappreżentant tal-klijent.

Il-proġett tiegħek huwa stmat li jiswa €900K, u meta jitlesta tista’ taqla’ total ta’ €1200K. Il-progress tiegħek issa huwa 80%, u l-pjan tiegħek juri spiża bbaġitjata ta’ €250K sa issa. L-ispiża attwali tiegħek kienet €500K. Id-dħul stmat tiegħek ma nbidilx.

X’tagħmel bħala l-isponsor tal-proġett?

Nikkanċella l-proġett minnufih.
Kollox sew. Inkomplu.
Peress li diġà għandna 80% progress u nfaqna tant flus, inkompli u nlesti l-proġett.
Inħalli lill-maniġer tal-proġett jiddeċiedi.

Qed tmexxi proġett li jiżviluppa applikazzjoni web li suppost taħdem għal mill-inqas 15-il sena. F’nofs il-proġett, it-tim jgħarrfek li wieħed mill-fornituri famużi tas-servers virtwali żied karatteristiċi proprjetarji ġodda li jistgħu jgħinu ħafna fil-proġett. Jekk nużaw is-servers tagħhom, b’dawk il-karatteristiċi proprjetarji, il-partijiet li fadal tal-proġett jistgħu jsiru 30% aktar malajr.

X’tagħmel?

Le, ejja ma nintrabtux ma’ servizz proprjetarju; nibnu xi ħaġa li tista’ taħdem fuq is-servers virtwali ta’ kwalunkwe fornitur.
Mela le, tnaqqis ta’ 30% fl-isforz huwa qligħ kbir. Ejja nagħmluh.
Ejja niċċekkjaw l-ispiża tal-użu tas-servers tagħhom fil-15-il sena li ġejjin imqabbla ma’ fornituri oħra, u nqabblu dan ma’ dak li niffrankaw bit-tnaqqis ta’ 30% fl-isforz li fadal. Jekk l-iffrankar ikun akbar, nagħmluh.

Int il-maniġer ta’ proġett. Ir-rappreżentant tal-klijent jiġi l-uffiċċju tiegħek ġurnata waħda u jitolbok tibdel xi ħaġa fil-proġett. Issejjaħ tnejn mill-membri ewlenin tat-tim tiegħek, u flimkien mar-rappreżentant tal-klijent tiċċekkjaw kull aspett ta’ dik il-bidla u tikkonkludu li m’għandha l-ebda impatt fuq il-miri tal-proġett u għalhekk tista’ tiġi implimentata mingħajr l-ebda kumpens.

Titlob lir-rappreżentant tal-klijent jibgħatlek it-talba għall-bidla bil-miktub biex tkun tista’ ddaħħalha minnufih fil-pjanijiet. Ir-rappreżentant tal-klijent jitolbok ma ddewwimx il-bidla u tagħmilha mingħajr burokrazija żejda, ladarba m’għandha l-ebda impatt fuq il-miri tal-proġett.

X’tagħmel?

Għandu raġun; dak li suppost isir wara li tasal it-talba bil-miktub diġà sar f’laqgħa, u għandna l-konklużjoni. Mela nistgħu nipproċedu mingħajr talba għall-bidla bil-miktub.
Nitlob lir-rappreżentant tal-klijent jimla l-formola tat-talba għall-bidla xorta waħda, imma jekk jirreżisti, inħalliha u nipproċedi mingħajr talba bil-miktub.
Nimla l-formola tat-talba għall-bidla għar-rappreżentant tal-klijent, inpoġġihielu quddiemu u nitolbu l-firma tiegħu. Jekk jirreżisti, nispjega li dan huwa l-proċess standard fil-proġett u li l-ebda bidla ma tista’ tiddaħħal mingħajr deċiżjoni traċċabbli.

Maniġer tal-proġetti fil-kumpanija tiegħek jiġi għandek, jirrakkonta b’entużjażmu dwar il-laqgħa li kellu ma’ kumpanija oħra:

“Kienet qisha kamp tal-battalja! Konna qed niġġieldu fuq 7 punti, u kull wieħed minna ried jirbaħ kemm jista’ jkun minnhom. Aqta’ kemm irbaħt jien! Kollha! Il-vantaġġi kollha għandna aħna! Se tkun ħaġa kbira. Ħadd ma jinnegozja aħjar minni!”

X’twieġeb?

Nifraħlek! In-negozjar huwa ħila ewlenija tat-tmexxija, u wrejt li int tajjeb fih.
Prosit! Kuntent li rbaħt is-7 punti kollha. Biss kun ċert li l-parti l-oħra ma tarahiex bħala battalja, għax dan jagħmel ir-rebħiet futuri aktar diffiċli. Oħloq minflok sens ta’ kollaborazzjoni u ħbiberija.
Nibża’ li dak li ddeskrivejt mhuwiex etiku, u aħjar tirrevedi l-imġieba tiegħek.
Nibża’ li dak li ddeskrivejt jista’ ma jkunx sostenibbli. Ir-riżultati jkunu aktar sostenibbli meta l-ebda parti ma tħossha megħluba.

Int l-isponsor ta’ proġett kritiku fil-kumpanija tiegħek li suppost jaġġusta l-prodott ewlieni tas-software tagħkom biex jikkonforma ma’ regolament ġdid.

It-tim tal-proġett iddisinja soluzzjoni sofistikata u ilu jaħdem fuqha ftit xhur. Il-proġett huwa lest madwar 85% meta, f’daqqa waħda, wieħed mill-membri tat-tim joħroġ b’soluzzjoni estremament sempliċi għall-problema oriġinali li tista’ tiġi implimentata fi ftit jiem biss. Madankollu, qabel ma tiġi implimentata, il-bidliet li diġà saru mill-proġett iridu jitreġġgħu lura, u dan jieħu l-ħin.

Tlabt lill-maniġer tal-proġett janalizza ż-żewġ għażliet, u dan huwa r-riżultat:

Biex titlesta s-soluzzjoni sofistikata, huma meħtieġa 1200 unità oħra ta’ sforz.
Biex titwaqqaf is-soluzzjoni sofistikata attwali, titreġġa’ lura, u mbagħad tinbeda l-implimentazzjoni tas-soluzzjoni sempliċi, huwa meħtieġ total ta’ 1400 unità ta’ sforz.

Skont il-maniġer tal-proġett, dawn iż-żewġ soluzzjonijiet ikollhom eżitu simili fil-futur prevedibbli.

Liema tagħżel?

Inkompli l-implimentazzjoni tas-soluzzjoni sofistikata.
Inwaqqaf il-proġett, inreġġgħu lura u nimplimenta s-soluzzjoni sempliċi.

Wieħed mit-timijiet ilu jaħdem fuq riżultat tanġibbli madwar 20 jum, u x-xogħol tiegħu lest madwar 90%. Madankollu, l-10% li fadal huwa mblukkat. X’tagħti bħala parir?

Għaddu għal riżultat tanġibbli ieħor u erġgħu lura għal dak imblukkat aktar tard.
Ittrasferixxu r-riżultat tanġibbli lil tim ieħor u ibdew jaħdmu fuq wieħed ġdid.
Ġibu għajnuna żejda u ffokaw fuq ir-riżultat tanġibbli sakemm jitlesta.
Ibdew riżultat tanġibbli ġdid b’mod parallel u ibqgħu ippruvaw tlestu l-ewwel wieħed.

Għandek żewġ esperti tal-ogħla livell b’kapaċitajiet simili fit-tim tiegħek. Hemm ukoll 5 persuni oħra, imma dawn m’għandhom l-ebda esperjenza u ma jistgħux jaħdmu mingħajr superviżjoni minn dawk l-esperti. Ippruvajt dawn iż-żewġ konfigurazzjonijiet:

Għażla A: Kulħadd jaħdem flimkien fuq l-istess riżultati tanġibbli.
Għażla B: In-nies jinqasmu f’żewġ timijiet, kull wieħed b’wieħed miż-żewġ esperti. It-timijiet jaħdmu fuq riżultati tanġibbli separati mingħajr ma jkunu involuti f’dawk tat-tim l-ieħor.

Fix-xenarju A, setgħu jlestu 1812-il unità ta’ xogħol fi 3 xhur. Fix-xenarju B, setgħu jlestu 1885 unità ta’ xogħol fi 3 xhur. Liema konfigurazzjoni tagħżel bħala dik permanenti?

Għażla A
Għażla B
Nitlob lit-tim jagħżel waħda b’votazzjoni.

Trid tixtri apparat speċjali għall-proġett, u l-unika kumpanija li tbigħu fir-reġjun tiegħek hija ta’ wieħed mill-eqreb ħbieb tiegħek. X’tagħmel?

Nieħu l-prezzijiet mingħand ftit fornituri oħra, u jekk il-prezz tal-ħabib tiegħi ma jkunx ogħla minn tagħhom, nixtri mingħand il-ħabib tiegħi, għax il-qrubija lejn il-post tagħna tagħmel it-trasport eħfef.
Nixtri mingħand ħaddieħor biex inkun ċert li ħadd ma jaħseb li qed nagħti vantaġġ lil ħbiebi.
Nanalizza l-għażliet, u jekk l-għażla tal-ħabib tiegħi tkun l-aħjar waħda, nibgħat ir-rapport flimkien ma’ ittra li tispjega r-relazzjoni tiegħi ma’ dik il-kumpanija lil maniġer ogħla u nitolbu jiddeċiedi hu.

Il-maniġers tiegħek iridu jinvestu fi proġett, imma int temmen bis-sħiħ li hija deċiżjoni żbaljata u li se tagħmel ħsara serja lill-kumpanija jekk tinvestu f’dak il-proġett. Tispjegahulhom, imma ma jibdlux fehmithom u jibdew il-proġett. Int ukoll ikollok rwol żgħir fil-proġett. X’tagħmel?

Nagħmel ħilti kollha biex il-proġett ikun suċċess.
Ma nonfoqx wisq sforz fih għax ċert li se jfalli.

Int maniġer tat-tim fi proġett li jibni applikazzjoni web. Il-maniġer tal-proġett jitolbok iżżid mal-applikazzjoni funzjonalità li tiġbor informazzjoni personali żejda mill-utenti. Tistaqsi l-iskop, u jispjega li informazzjoni bħal din hija utli u l-kumpanija tista’ tkun tista’ tbigħha fil-futur. Tgħid li dan jista’ jkun ksur tal-privatezza tal-utenti, u l-maniġer tal-proġett jgħidlek tħalli dan f’idejn l-avukati tal-kumpanija u timplimenta l-funzjonalità.

X’tagħmel?

Naċċettaha.
Naċċettaha, imma niżgura li l-oġġezzjoni tiegħi u t-tweġiba tal-maniġer tal-proġett jiġu ddokumentati, f’każ li niltaqgħu ma’ problemi fil-futur.
Noġġezzjona mill-ġdid, u jekk ikun meħtieġ, nipprova nsib soluzzjonijiet oħra, bħal li nitkellem dwarha mal-isponsor tal-proġett jew mas-CEO tal-kumpanija tagħna.

Il-mistoqsijiet li ġejjin huma għall-informazzjoni statistika tagħna u ma jaffettwawx ir-riżultat tiegħek.

Għandek bħalissa pożizzjoni maniġerjali jew ta' superviżjoni?

Iva
Le

Irrispettivament mir-rwoli tiegħek fil-passat, kemm għandek snin ta' esperjenza?

Kieku jintgħażlu 100 persuna każwalment minn kumpaniji simili għal tiegħek, minn kemm minnhom tkun mexxej aħjar?

Qrajtha l-Boxxla tal-Imġieba tal-Mexxej?

Iva
Le

X'inhi r-raġuni ewlenija tiegħek għala qed tagħmel din l-awtovalutazzjoni?

Irrid nużaha biex niddeċiedi aħjar kif intejjeb il-kapaċitajiet tiegħi ta' tmexxija.
Sempliċement kurjuż kemm jien mexxej tajjeb.

Irrispettivament mil-livell ta' diffikultà, kemm kienu ċari u jinftiehmu l-mistoqsijiet?

Ma kinux ċari xejn u ma fhimtx aktar minn nofs il-mistoqsijiet.
Aktar minn 90% minnhom kienu ċari u sibt diffikultà nifhem biss il-bqija.
Kienu ċari u kważi ma kelli l-ebda diffikultà nifhem il-mistoqsijiet.

Il-mistoqsija li ġejja hija verifika sempliċi tas-sigurtà:
21×2=